Nov 22nd, '09, 21:08
粵右激論系列：002 [粵文評論] 陳馮富珍高票當選世衛總幹事，引發多種爭論
粵嚟粵掂
2007-02-13
有人話，依照陳馮富珍嘅實力，係做唔到世衛總幹事嘅。係支那嘅國家實力，將陳馮富珍捧上咗國際組織嘅第一把交椅。呢種講法，話啱咗一半。以今日支那嘅實力，的確係到咗世界第二大國嘅位置。當今頭號大國係美國，可惜因為反恐戰爭，到處樹敵，虛耗國力，陷入咗政治泥潭，因此，佢有好多地方有求於支那，喺一啲無關美國要害利益嘅國際組織選舉裡頭，美國樂得做一個順水人情，支持支那代表出任呢啲國際組織嘅第一號人物。
順水人情唔使成本，只係投票支持噉啫。何況，目前嘅傳染疾病，主要發生喺發展中國家，如果疫症擴大，發達國家亦難免池魚之災。從西方國家嘅利益考慮，佢哋最大嘅利益就係將瘟疫控制喺萌芽狀態，當發展中國家出現瘟疫嘅時候，由世衛出面去撲滅。邊個推舉總幹事，邊個就要承擔最多嘅國際義務，即係唔該多啲捐助畀錢，提供有效嘅防疫方法，免得歐美煩惱。
既然支那有興趣競逐總幹事呢個位，美國當然會順水推舟。支那願意承擔義務，美國梗係歡迎，希望借此箍住支那，畀支那去傷腦筋，叫佢去提供支援。何況，支那所提供嘅人選，係一個受西方教育、擁有西方價值觀嘅陳馮富珍，一旦上任，必然會按照國際嘅辦事規矩做事，支那根本無法干預，亦唔可能受偏袒。
其實，支那挑選陳馮富珍作為世衛嘅總幹事，亦有更深層次嘅考慮。臺灣一直宣稱，一定要以國家嘅身份嚟加入世衛，否則，就係支共矮化臺灣。喺呢個問題上，支共展開咗勢凶夾狼嘅反擊，支共指出：臺灣係支那嘅一部分，如果啲撈喺世衛有一個席位，噉臺灣人亦可以出任呢個職位，噉點可以話係支共蓄意矮化臺灣呢？只要堅持“一個支那”就可以喇。支共呢招可謂一石二鳥，唔單止化解咗臺灣加入世衛嘅攻勢，仲對香港嘅人心回歸大有幫助。
其實喺港英時代，咪講話陳馮富珍，就算係陳方安生，亦都冇資格去代表英國競逐世衛總幹事呢個位。香港人係唔可能擔任國家層面嘅職務嘅，更唔可能擔任國際組織嘅職務。陳馮富珍居然可以擔任，其一，係支那嘅力撐；其二，係當前國際格局嘅需要。西方國家要同支那進行國際合作，支持支那代表出任國際組織嘅重要席位，最佳嘅選擇就係畀受過充分西方教育嘅香港人擔任相關嘅職務。世衛總幹事其實係世界組織嘅高級公務員，所以，從語言能力、溝通能力、辦事能力、研修規程嘅質素等各方面嚟睇，香港公務員都係好優秀嘅。
引發爭論一：陳方安生同陳馮富珍孰優孰劣
陳方安生喺唔少港人心目中嘅地位好高，當年陳方安生反對政改方案，搞到上街示威，甚至公開發表談話指責支那冇落實“港人治港”，仲話港人對支那唔信任。佢率直敢言嘅氣魄令到北平好唔魯禮。如果陳方安生唔拆董建華嘅台，如果陳方安生唔係處處支持民主派，噉接替董建華嘅，就絕對唔會係陳方安生嘅手下曾蔭權，而係陳方安生自己。
而陳馮富珍則係典型嘅官僚，支持老闆不遺餘力，當年，佢係最出名嘅手袋黨，亦係最善於體察陳方安生意向嘅官員。以陳馮富珍嘅能力，其實喺唔少世衛總幹事其他候選人之下，至少佢參與國際組織工作嘅經驗明顯不足，而且喺禽流感同沙士兩件事，香港市民對她嘅處理評價唔高，甚至有負面。
陳馮富珍同曾蔭權都係一路貨色：典型嘅官僚，長頭草兩邊擺。而陳方安生就唔同，佢係一個堅守自己信念，捍衛自己理想嘅人。無可否認，英國人培養出嚟嘅香港本地政治精英確實係唔錯嘅人才，佢哋係英國人留畀香港嘅最大寶庫。
引發爭論二：港支猜忌與香港民主進程
港人對支那嘅唔信任由來已久，並唔係咩新鮮事，亦非憑陳方安生一己之力所能鼓動嘅，自支英談判引起嘅移民潮顯然易見，唔好淨識鬧佢哋淨愛錢，唔愛港愛支，唔少老一輩香港人受過文革陰影，從嗰陣時起，佢哋就經已對支那唔信任，難怪佢哋會走。
支那仲多次做出令港人失望嘅事：回歸前嘅，有八九年「六四」民運、搗毀直通車方案；回歸後嘅，有特區政府唔係民選，缺乏民意基礎，沙士，八萬五，負資產，頻頻施政失當，港人自然將矛頭直指「欽點」港府嘅支那。
應該講，港人係普遍對支那有感覺嘅，不過港撈兩地民眾嘅愛支方式同心態有好大唔同，所以先至會出現「港人眼中嘅撈係愚忠；而撈眼中嘅港人係唔忠」，就算係最唔獲支那認受嘅「支聯會」，亦唔見得係反支亂港，反而佢哋喺某一方面(如保釣)係最愛支那嘅一批，只不過佢哋唔似得啲親撈派噉，佢哋從嚟唔會對支那唯唯諾諾噉言聽計從。
早喺港英時代嘅後過渡期，港人爭取民主嘅幅度就喺度循序漸進噉進行著：一九八八年立法局率先實行直選，不過基於傳統建制，總督冇可能由普選產生，因為總督係英女皇嘅代表，所以就有一種噉嘅折衷方案提出：香港要依照加澳模式，架空總督實權，普選布政司（相當於加拿大/澳洲嘅總理），總督將變成一個榮譽職位。
港人對民主鍥而不捨嘅追求，終於迫使冥頑不靈嘅支那有所讓步，佢喺香港特區基本法裡頭，明確承諾允許港人普選特首，基本法指零七年以後嘅特首選舉方法另行決定，所以零七普選係港人嘅合理期望。
不過令人失望嘅係，今年嘅特首選舉仍然係小圈子選舉，唯一畀人振奮嘅，係泛民主派終於可以聯合起身，共同推舉勇敢嘅梁嘉傑出嚟參選。梁嘉傑所代表嘅，係香港人嗰股對當前“嚴政厲治”政治氛圍嘅不滿之情，係香港人反「欽點」，要民主殷切訴求嘅不撓延續。
引發爭論三：臺灣入衛被拒與臺支罵戰
支共一直一廂情願噉認為：臺灣係支那嘅一部分，如果支共喺世衛有一個席位，噉臺灣人亦都可以出任呢個職位，佢哋仲戁得意噉以為自己條翹好高，臺灣一定會受佢呢籠嘢添， 點知佢嘅高期待換返嚟嘅卻係臺灣嘅冷嘲熱諷：
-----支共會畀一個攞著中華民國護照嘅中華民國公務員去參選咩？
-----支共如果真係要表示善意，噉大可以爭取改革世衛，使到世衛好似其他國際機構噉，允許地區政治實體加入。
-----現時臺灣被棄於世衛之外，臺灣人就只好自求多福，唔好奢望會有國際社會嘅支援喇。
-----要表示善意，就唔可以置臺灣二千幾萬民眾嘅健康於不顧。
-----越壓抑臺灣參與國際事務，只會越惹嚟臺灣民眾對支那嘅更大反感。
-----目前臺灣問題絕唔係地方同中央嘅關係，而係兩個中央嘅關係，最大嘅讓步亦只能係彼此對等嘅聯合代表團，臺灣嘅代表唔可能作為隨員跟喺支共嘅代表團裡頭，呢個係國體嘅問題。
-----實際上就算係臺灣獨立，亦都只能算係喺中華民國獨立出嚟，然後中華民國因喪失全部領土而亡國，臺灣並唔係喺大陸支那 (中華人民共和國)嗰度獲得獨立！
支共對臺灣嘅呢啲噉嘅回應梗系唔會魯禮喇，於是反唇相譏：
-----如果臺灣認為支那矮化臺灣比起臺灣民眾嘅健康得唔到國際支援更難以忍受嘅話，噉妳臺灣咪咪派員參加支共喺世衛裡頭嘅代表團囉！妳寧願要面都唔要命。
-----而家臺灣以臺灣人嘅健康為理由而要求加入世衛，假如畀佢開咗個頭，噉第二日佢話要保護臺灣人嘅安全為理由要求加入安理會，噉仲得掂嘅？