Feb 10th, '15, 17:02
016 粵文地位辯：到底係粵文盜版撈文？定係撈文盜版粵文？
我始終都係噉認為：我哋當代粵文係承襲咗古華文好多精良遺傳經過長期獨立發展流傳得嚟嘅，我哋粵文所承繼嘅係古華文，而唔係今日嘅撈文！呢點妳一定要有一個明確嘅認識。
冇錯，撈文亦都有佢哋自己嘅傳承，佢哋有可能同樣承襲於古華文，噉我哋粵文同佢嘅關係至起碼係同源異流，而非本末！既非本末，就唔存在長幼次序之分，大家都係彼此彼此。
既然係彼此彼此，噉我粵文有自己嘅一套亦都好正常！喺我粵文裡頭有嘅字假如妳撈文都有，噉我粵文唔可以話妳撈文盜我版，同樣妳撈文亦唔可以話我粵文盜妳版，皆因我粵文同妳撈文都係喺古華文嗰度得到咗佢嘅授權嘅。我粵文同妳撈文既然係同源異流，噉妳撈文有權走妳嘅陽關道，我粵文亦有權行我嘅獨木橋！彼此相互之間係獨立同平等嘅，我唔影響妳，妳亦都休想干涉我！
喺一百年之前，妳撈話只不過係借民初白話文運動嘅機緣，率先喺諸華語當中完成咗日常口語嘅白話文化–形成咗當代撈話嘅書面語–撈文啫，而咖輪到我哋粵語要借全球政治民主化同全球文明多元化嘅春風嚟最終完成粵語嘅白話文化；書面語化。