Oct 31st, '10, 16:47
粵右激論系列：028 我哋粵民族至係南粵土著嘅後人！我哋粵民族至係大粵真正嘅主人！
點認定？我梗係唔係靠估喇！分子人類學聽過未？
靠DNA測定點都可信過啲撈嗰兩本爛鬼史書喇！
大約喺距離而咖一萬年前，黃種嘅先古南越人由今日嘅印支半島循西南方向進入大粵境域，同原居喺當地嘅矮黑人發生戰爭，矮黑人戰敗，結果矮黑人成個族群畀先古南越人熔滅，形成摻雜有矮黑人血統嘅古南越人。矮黑人並冇純正嘅後代留低喺大粵，佢哋嘅血脈流咗入古南越人嗰樹！
喺二千二百年前，南下嘅秦朝人又同帶著矮黑人基因嘅古南越人爆發戰事，古南越人戰敗西逃。同矮黑人相比，古南越人好好彩，佢哋冇畀南下嘅秦朝人全部消滅晒，喺大粵境域嘅西部，佢哋嘅後裔今日演化成越，寮，泰，僮，黎。而居住喺東粵嘅古南越人，就同南下嘅秦朝人交熔成我哋粵民族！
我哋粵民族嘅血脈裡頭，有矮黑人嘅基因一啲都唔奇，因為呢啲基因係從古南越人嗰度間接得嚟嘅，我哋粵民族有矮黑人嘅血統並唔係一種恥辱！而啱啱相反，係一種光榮！因為我哋身上嘅呢啲基因正正說明咗我哋粵民族係大粵境域遠古先民嘅直系後裔！唔理佢係父系傳承抑或係母系傳承，我哋粵民族都係南粵土著嘅後人，我哋粵民族先至係大粵真正嘅主人！