Feb 10th, '15, 18:26
038 普及粵文 任重道遠
粵文係以標準廣州話口語嚟行文嘅，而喺廣州話口語裡頭，呢個“被”字除非係被褥嘅意思，否則嘅話好少會用到，好似喺妳講嗰種場合，廣州話口語一定用“畀”！
喺度大大聲話用“被”，證明妳仲未徹底噉歸化粵文！喺遣詞用字間仲係受用撈話行文嘅明顯干擾！連“了”都出埋嚟？！！睇嚟喺粵人裡頭，普及母文同用母文嚟正確書寫真係任重而道遠！
粵文拉丁化？其實噉又有咩唔可以呢？越南一早經已噉做，臺灣亦正喺度計劃噉做。
我哋粵人真係冇必要對拉丁化文字呢樣嘢咁顧忌，尤其係啲撈話我哋侵犯佢方塊字專利，沿用佢文化傳承載體嘅時候。