Feb 10th, '15, 22:36
073 咩叫做唔可能拼音化？！
咩叫做唔可能拼音化？噉點解又會有咁多套粵語拼音方案出咗嚟呢？
乜韓國嗰啲係拉丁化（拼音化）文字嚟咩？我舉韓國嘅例最主要係話畀啲人知：睇下人哋擺脫漢字之后有冇出現某啲人口中嘅會導致文明毀滅嘅狀況。
越南先係脫漢並拉丁化（拼音化）自身文字嘅成功個案！又點解唔見妳提嚟講呢？莫非閣下又好似某啲人噉鐘意選擇性失明？
論聲調複雜，閩南話同福州話要複雜過粵語多多聲喇！人哋閩南話同福州話早喺一個幾世紀之前就經已擁有體系完備嘅羅馬字書面語喇！妳都幾孤陋寡聞！我哋粵語要拉丁化肯定嚟得比閩南話容易。
最後就係妳嗰句“粵文化過於單薄以至於唔配用一種全新嘅文字”？我喺呢度唔想對妳呢種自我矮化自我鄙夷嘅論調進行抨擊。我淨係想問：乜文化有優劣之分有高低之分嘅咩？過於單薄嘅文明同語言就唔配有自己嘅文字？呢啲係咩邏輯？
仲有，妳都底係乜人？係咪粵人？