Feb 10th, '15, 23:00
087 去撈化並且重新復粵化嘅個案
用粵協嘅土產“輕鬆粵拼”直接喺電腦度打入正體字。
我不嬲用開拼音，從嚟唔用五筆。以前係用撈拼，冇畀啲撈語言同化全靠我心有粵！而家係用“輕鬆粵拼”，無論寫粵文抑或寫“正式出街嘅公文（查實就係撈文）”，都係用“輕鬆粵拼”。
講真，用拼音輸入呢家嘢，真係雙面刃嚟，一係越用越粵，另一個極端就係越用越撈。之前我冇畀撈文撈音同化，除咗我心有粵之外，仲係我心有粵！
至於手寫正體字，一直持續有學，不過就唔係成日去特意噉寫，我寫慣快字，一潦出嚟往往就係簡體，徒呼奈何？要一筆一筆噉砌隻正體字出嚟，有時真係唔多慣。家陣慢慢寫，千靈個常用正體字仲係鬥得出嚟嘅。
—————————————-
查乜鬼吖，想學就去學，學咗就會識，識咗就曉寫，就曉用咖喇！
我自己又咪係噉經歷過嚟嘅，我自己就係一個個案，去撈化並且重新復粵化嘅個案。妳自己嘗試下就會有所感悟咖喇。
至於用重定用仲，歷來有拗撬，我不嬲用開“仲有”而唔係“重有”，唔使嗌我“切記”喇。