Feb 10th, '15, 23:22
102 繁雜紛亂嘅粵語拼音系統
呢幾首羅馬字粵文唐詩係建基於耶魯粵語拼音系統嘅，同我哋粵民族最多人沿用嘅語言學會拼音系統唔同。
目前，啲鬼佬學粵語多數係學耶魯粵語拼音系統，之但係耶魯系統裡頭嘅標調並唔係咁簡單嘅。
粵語拼音系統本嚟就有好多套，而粵語標調嘅方案據我所知起碼就有兩套以上。唔同嘅粵語拼音系統再加埋唔同嘅粵語標調方案雜交，理論上就會有好多種拉丁化（羅馬化）粵文嘅書面語出嚟，類似於今日漢文嘅簡繁方塊字之爭。
借助民主進步黨嘅大力推動，臺文家陣有咗一套權威統一嘅「臺灣羅馬拼音系統」（簡稱臺羅），呢套「臺灣羅馬拼音系統」現時經已畀臺灣官方確立為唯一嘅臺語拼音系統。
呢點臺族人畀我哋粵族人幸運！佢哋有一個佢哋自己嘅民族政府，為佢哋自己民族語文嘅標準化做必要嘅推力！
我哋粵民族暫時冇噉嘅條件，咪粵拼同耶魯兼用先囉。至於香港政府粵語拼音 ，其實同耶魯系統仲係有幾多唔同嘅，再講，耶魯系統喺大陸嘅影響並唔見得比粵拼強，甚至不如廣州音系統。
而家粵文要拉丁化，用粵拼同耶魯兩隻腳行路先喇。