Feb 12th, '15, 09:25
131 花都唔會有困境
又有汽車城，又有新白雲機場，花都唔會有困境。
將江村神山人和竹料鐘落潭劃畀花都？噉白雲區仲使唔使要？呢五個鎮歷屬廣州直管，民意對廣州有好強嘅向心力，佢哋100%唔願意接受花都管制。
講真，廣州城郊嘅農村基層民間，好少會有接受某某輻射嚟發展嘅諗法，因為佢哋喺廣州嘅管制底下經已過得好好，有田耕，有屋出租，社隊又有市場酒店廠房等等物業租金分紅，唔憂食唔憂住。
有得畀佢哋揀，佢哋100%會選擇留喺白雲區，白雲區雖然偏遠咗少少，但係假假哋仲係喺廣州民間觀念裡頭嘅“廣州”範疇之內。至於花都番禺南沙，至少喺未來一段長時間，廣州民間嘅“廣州”範疇，唔會有佢哋嘅身影。
花都其實西有炭步赤坭東有花山花東北有獅嶺芙蓉，新華大把地方拓展，冇必要一味向南睇。即使新華嘅石屎森林同廣州嘅石屎森林親密接觸，亦唔代表啲咩。