Dec 12th, '10, 22:35
粵右激論系列：177 粵右粵左點嚟分？
喺傳統意義上高，共產主義係左，資本主義係右。雖然支那共產黨家陣變咗質，係大官僚資產階級嘅代表政黨，不過佢畢竟係掛著共黨嘅名，專制兼獨裁，離資本主義主流嘅右仲好遠。
假如嚴格按照傳統意義嚟劃分，噉家陣嘅世界都係右嘅，只有古巴同朝鮮係左。查實家陣表示政治立場左同右嘅意涵經已有變，代表有錢佬階層嘅都可以係左。
粵左粵右，通常可以依照香港民主同建制兩派嚟分野，或者依照臺灣藍綠兩營嚟分野，左派立場通常係擁統撐專制，右派立場通常就擁獨撐民主。具體啲嚟講，親共親漢專制殖粵嘅，就係粵左；反支粵獨撐粵地民主嘅，就係粵右。
---------------------------
雖然民主黨同社民連佢哋而家做啲嘢有左嘅味道，不過離傳統意義上嘅左，仲有頗大距離：佢哋提出咗最低工資標準，不過最基本嘅經濟體系公營化，個人財富均化，同工運奪權，佢哋都唔敢去碰去提，因為，呢啲觸及資本主義嘅根基，噉搞作幕後老大美國一定會私疑。
而按照國際社會嘅主流視角，佢哋係右，皆因佢哋反支那獨裁。
現時香港傳統意義上嘅左翼運動，其實同西方嘅左翼源於一脈，係溫和式議會議事式嘅左，並唔係當年毛支獨裁式“人民民主專政”嘅極左。當年陳獨秀就係主張議會式嘅左翼，結果畀極左強硬嘅毛派打成右傾投降主義。
同現時席卷拉美嘅左翼運動相比，香港嘅左翼查實勢力唔大。
---------------------------
按現時國際主流嘅政治觀點，獨裁統治嘅支那同寡頭統治嘅俄羅斯，仲有所謂嘅上合諸國，都係左營。係同美歐主導嘅民主陣營普遍對立嘅。
---------------------------
極左同極右查實就有如天才同白痴，僅係一線之隔，佢地嘅共同特徵都係軍國主義，獨裁，壓迫，同唔民主。
現時釐定國際政治陣營嘅左右，經已唔可以再用代表有米同代表冇米咁簡單嘅基準嚟劃分，而要將現勢政治陣營歸屬嘅元素加入去。
雖然而家嘅支那社會有著資本主義原始積累階段嘅明顯特徵，但係喺同時，支那嘅內部又遍佈公營經濟，官方喉舌全部都係左派言論，支共裡頭仲有大把人持傳統嘅左派思維，批判現時嘅虐民政策，所以，話佢係全球最右，起碼現時嚟講係好唔恰當嘅。
兼且，判定左右搵歐洲嚟釐定嘅諗法，嚴重唔切合家陣嘅政治現實。歐洲講句唔好聽不過係現時國際政壇嘅二流角色，唯美是從，美國嘅觀點先至可以主導世界，先至可以代表國際社會嘅主流視角。
而美國對現時支那嘅呢種雜交怪雞資本主義，一向唔認受，所以支那先成日鬧美國死抱“冷戰思維”，可見，美國視支俄係左營嘅傳統觀念，一直都冇變過。