Dec 14th, '10, 21:47
粵右激論系列：188 古南越人喺中世紀嘅流變：東粵俚人同西粵南粵僚人
多謝新桂生以壯民族嘅視角發表獨到而智慧嘅見解！新桂生不愧有真覺醒！
查實我對古越系（亦即古侗臺系）流變嘅睇法，同妳嘅差唔多，總體上一致。不過新桂生身係壯族，妳嘅感受同睇嘢嘅角度，自然同身為粵族嘅我有啲區別。
首先，喺公元七世紀（亦即支那嘅唐朝）之前，我哋嶺南仲係越人嘅天下，由北邊落嚟殖粵嘅漢人先民可謂寥若辰星，僅僅聚集喺各郡縣城入面，喺鄉郊村落根本就冇影。嗰陣嘅越人，喺自稱同他稱上高，先前嘅越經已變咗做俚僚，俚僚係越人族群當時嘅族稱。
俚僚，係一對文化血緣關係異常緊密嘅雙子民族，俚居東粵，僚居西粵同南粵，東粵西粵相界於東興貴港賀州一線，南粵就係今日以紅河三角洲為核心嘅北越。
西粵僚人位處更荒僻涉腳嘅粵江上源地帶，山高林密，更好噉抵禦支那漢人嘅同化，逐漸演進成今日涵蓋布壯、岱儂、布依在內嘅“大僚系”。
南粵僚人喺公元十世紀初就成功脫支獨立，起碼喺政令施發同族群流徙呢兩個層面，係有效噉阻斷咗嚟自支那持續嘅影響。政治上嘅成功獨立，意味著南粵僚人可以以更快、更堅實嘅步伐嚟完成自己嘅民族覺醒進程！所以，喺好早之前，南粵僚人就演進成今日嘅京族人。
而東興貴港賀州一線以東嘅東粵，就係俚人嘅天下。東粵俚人喺政治上高嘅際遇遠冇南粵僚人咁好彩，甚至乎仲比唔上西粵嘅僚人，起碼佢哋家陣經已畀支那界定成一個同漢人完全唔同、兼且有明顯區別嘅獨立民族，而呢個待遇，我哋東粵俚人嘅遺裔，直到家下都享受唔到！
我哋粵民族，源自古南越人，不過更加確切啲講，係源自古南越人嘅直系東支：公元三世紀到公元十四世紀活躍喺嶺南東部超過一千年嘅俚族人！
今日嘅粵語，若然按譜系分，唔屬於今日嘅侗臺系，而屬於漢藏系裡頭一個傾向於侗臺系嘅特殊語支，地位係同藏語族，緬語族同一級別嘅，我哋可以稱之為漢藏語系粵語族，而壯語則屬侗臺語系臺語族。
今日嘅粵語，係我哋粵族人公元三世紀到公元十四世紀嘅直系先祖：古俚族人遺傳落嚟嘅語言，係一種以原生態俚語為底層，搆合咗中世紀漢語成份而形成嘅一種非原生俚亦非原生漢嘅古克里奧爾語。後嚟，呢種俚漢搆合嘅古克里奧爾語喺俚族人裡頭傳播開去，慢慢噉取代原生態俚語而成為全體俚族人新嘅民族共同語，於是，粵語就誕生咗嘞，遺憾嘅係，俚族冇順利蛻變成粵族，而係畀支那有居心噉劃咗入所謂嘅“漢族”範疇裡頭！
今日嘅粵語，同當年嘅原生態俚語，經已不可同日而語，實是求是，呢點應該承認。不過，噉並唔阻礙當今粵語作為當年古俚語直系承繼者地位嘅樹立。
粵語族，係漢藏語系裡頭同侗臺語系親緣最緊密嘅一支，原因好簡單，粵語本嚟就係從臺語底跨語系演進過嚟嘅。
因為地勢同域內區位嘅關係，當年東粵嘅俚族人“漢化”程度比起西粵同南粵嘅僚人要深入好多，講句唔好聽，係入咗骨，甚至乎仲入埋髓。所以，要喚醒我哋粵族人嘅民族意志，就要用刮骨療傷，以大破大立嘅氣魄嚟徹底斬斷支根，以實現我哋粵民族嘅完全去支那化進程！
新桂生以“大僚”嘅視角，評點東粵嘅越人都係今日壯民族嘅先民，不過我唔認為係噉，無論於史、於當前嘅政治現實，噉嘅提法都會有損粵壯兩族嘅同盟關係。
西粵嘅僚壯同東粵嘅俚粵，係兩個各自分立嘅民族演進體系，僚壯之間係一脈相承，俚粵之間同樣係一脈相承；唔同嘅係，僚壯間嘅傳承係原生態嘅，而俚粵間傳承係克里奧爾化嘅。我諗有一點壯族朋友要搞清楚：東粵俚人嘅原生態古俚語，係唔可以將佢當成係當代壯語嚟看待嘅（古僚語或者可以），古俚同今壯係兩個唔同嘅傳承系統，我哋粵民族至係東粵俚人嘅直系子孫。
唔同西粵嘅壯民族，妳哋比我哋幸運，妳哋嘅獨立民族身份一早就畀支那政府所確認，而我哋粵民族，支害深遠，目前尚處喺民族覺醒、民族定向重新釐清嘅階段；我哋唔希望喺我哋粵民族呢個脆弱嘅時刻，畀有親緣關係嘅鄰族，將一啲本嚟屬於我哋嘅，尤其係喺血統同法統上高嘅承繼，據為己有。
今日嘅粵語，源自古南越人嘅直系東支：東粵俚人，輾轉發展到而家，成咗我哋粵民族嘅民族共同語，個中傳承雖然歷受支漢因素侵擾（克里奧爾化），不過古南越嘅底蘊始終喺度。
喺度，我要好唔客氣噉指出：某啲話粵語唔係真越語，粵族唔係真越人，要做真越人就要廢粵學壯泰嘅論調，唔單祇係侮辱緊我哋每一個粵族人，兼且仲係對東粵古俚族人，乃至對古南越人血緣同文化認同嘅全面背棄！
恢復粵壯兩族傳統友善而緊密嘅同盟關係，係我一個好重要嘅政治主張，中世紀俚僚兩族親密嘅同盟關係，前後延續咗過千年嘅時間，作為俚僚兩族嘅直系後人，粵壯兩族理應盡全力維繫呢個深具傳統嘅同盟！1851年1月11號，由洪秀全領導嘅粵壯兩族金田聯合起義，更加係粵壯同盟合作嘅光輝典範！粵壯同盟，共謀我粵大業！
儂智高係僚系嘅岱儂族人，佢脫支宋獨立，創建南天國，應該追認係我粵域內出現嘅第三個獨立時期，大成國順延係我粵第四個獨立時期。儂智高雖源於西粵僚人，不過但凡我粵嘅英傑偉事，無分東西，都要盡納！再舉個例：除咗將木棉花揀選為我粵嘅標誌之外，銅鼓，作為東粵西部俚人同西粵僚人祭祀嘅重器，西粵地域文化嘅象徵，亦應該被揀選成我粵嘅另一標誌！
以上嘅觀點同睇法，基本可以代表到真正覺醒咗嘅粵族人嘅心聲。