2010年7月25号发生嘅事
• Posted by 鐘雙羽 • 29 July, 2010 • (0) Comment
呢篇文章，作者已經客觀咁記錄左呢件事。然後發送到163論壇上，然後就被封殺左。原因系，有一個政府吾想比更多人知道呢件事，吾想比更多人識講白話—粵語，吾想比南粵文化繼續流傳。就系呢一個政府，反粵嘅呢一個政府，系度瘋狂咁壓迫緊住系亞洲大陸東南沿海地區嘅粵族居留點居民！物質上，超越一般嘅負稅；精神上，文化清洗同同化。吾出意外，下一代系中國大陸出世嘅人，將會淡忘自己嘅粵語背景。再下一代，粵語將會系粵族人傳統居留點上消失。你吾相信？你無意見？“別了，粵語！”
作者cantongd
《令人一生难忘既广州725江南西大型集会亲身经历及事件既前前后后，附现场图》
作为对唐汉时期汉文化保留得最好既粤文化，包括粤语及广东既民间习俗，系呢几十年来一直受到“推广普通话”等所谓“国家政策”既刻意摧毁、扼 杀，咦加广东既众多幼儿园、中小学内都禁止讲粤语，当局企图通过系唔懂事既下一代身上从小就扼杀粤语，以达到消灭粤语既目的。而现今广东人大多数系两晋南 北朝时期大规模南迁汉人既后代，古汉文化系广东延续咗千几年，根深蒂固，所以绝大多数广东人对粤文化被刻意摧残都深感不满，今次广州市政*协提议取消广州 电视台既粤语广播成咗一条导火索，积怨终于被引爆。关于大理论我就唔讲咁多，只讲番本人亲身经历今次事件既前前后后，以作纪念及他人参考。
另外要补充讲一点，粤语及繁体字系正统汉文化既骨干，所以好多热爱正统汉文化既广东人也热爱使用繁体字，希望好似香港一样，所以广东人系网上 搞既粤语推广网站（如：http://bbs.cantonese.asia/）也系主要使用繁体字，所以呢次江南西活动中有人打出来既宣传标语也系用繁体字。可 以肯定活动既组织者系广州本地人，有人见到用繁体字就以为系香港人过来搞既，其实唔系，香港人系当地搞活动既话，影响力更大且有完全既言论自由，根本唔会 走上来大陆搞。
好，言归正传，自从广州市政*协提出议案后，被本地及香港媒体痛骂，民意一边倒地“撑”粤语，之前也有年青人系公园内小规模既集会撑粤语活 动，但政*府一直漠视民意无作出任何响应。终于一个网名叫“莹爷”既广州市民发起系公众场合既撑粤语集会，并打算出钱制作一D印有宣传口号既T恤、扇，到 现场既市民只要答对粤语歇后语就有得奖。
此活动最早系通过新浪微博做宣传，好快就系各大论坛、Q群里边被热烈转载，依网上形势判断到时好有可能有近万人参加。政*府终于被迫低头，并 系7月20日通过广州人出身既副市长苏志佳接受广州电视台采访，表示政*府从来无“推普废粤”。《人民日报》甚至史无前例咁发表文章也表示并无“推普废 粤”，系党既第一大报上发表唔会打压方言既文章，破天荒第一次！可惜此作为明显太迟了，群情一旦被激起就好难自然平息既。哪怕25日《广州日报》再次发表 头版社论，重申政*府从来无“推普废粤”。
发起人本来系想向公安局申请此活动，以便能够合理合法咁进行，但先系被要求所有活动既组织者要提供身份证等数据，然后就话申请被拒绝并要求组 织者取消此集会，不然要追究其非法集会既责任，于是组织者只好公开宣布取消呢次集会活动。并且系25号前几日，内地各大论坛内有关号召大家参加集会既贴都 被删除。但众多热爱自己文化既广州人，仍然按时到场，于是一场无组织者既大型市民集会不可避免要发生啦，而鄙人就系其中之一！
本来组织者讲既活动时间系7月25日下午五点开始集中，五点半开始，地点系江南西地铁站A出口，参加者着白衫。我五点十分坐地铁二号线到江南西站，一到站时就 听到不停既广播话A出口已被封闭，要从其它出口出，我知道A出口处肯定已经好热闹啦！（下图：A出口被封，要从C出口出再过马路到番A出口处）
从C出口出来后，一睇马路对面已经人山人海，并且人群时不时会齐声叫口号。
过咗马路后，现场已经有好多公安、保安，并利用分隔人行道及马路既铁栏、警用警戒带围住现场唔准人再进入。不过有好多人同我一样，系铁栏处一 个飞身跨栏就跳入活动核心地带，幸而当时核心地带处仲有少少空位，所以我可以全程处于核心区。据讲之前ATV同TVB都有记者带上摄像机过来想采访，但均 被阿SIR赶走，所以系现场我无见到香港既电视台记者采访。后来睇AVT既新闻话有五百人聚集，估计系活动刚开始时既人数，后来参加既人远远超过呢个数 字。
好快该核心区域就塞满人，真系塞到水泄不通既地步。旁边既肯德基、仙踪林快餐店外店内也都企满晒人，粗略估计一下有成千三、四人塞满核心区 处，绝大多数都系二、三十岁既年青人。
五点二十分左右，有一个五、六十岁着白衣既阿伯同两个后生轻系核心区内带头叫口号、唱歌并挥手以示抗争，于是“广州话万岁”、“煲冬瓜收 皮”、“纪可光死咗未（纪可光系要求将广州电视台取消粤语广播既官员）”、“掉那妈、顶硬上”等口号响彻大地，最激动系大家齐声高唱Beyond既《光辉 岁月》！
因为集会无组织者，大家都系自发传递宣传单张，上面写有“只当百花齐放，岂可一桶浆糊”、“广州话起锚，煲冬瓜收皮”等字句，并有将寓意强制 推广普通话既“推普机”系杀手既漫画（现时英文里边将“推普机”称为“语言扼杀者”）。
有阿SIR係高处监控拍摄
参加呢次活动，我有一个惊喜发现：原来广州本地女仔有好多生得好靓、好飙青架！以前去酒吧、夜总会见到既女，虽然长得都比较正但几乎百分百系 捞妹。睇来广州本地生得靓既女仔平时都系“养在深闺人未识”啦！系活动既核心区，以下呢个白衫女仔生得好靓，皮肤又白，叫口号叫得非常落力！我身边也企住 两个一拍来既女仔，其中一个五官生得好精致，皮肤又白，可惜因为佢哋系两个人一齐，所以我始终唔好意思同佢倾计，如果佢同我一样系单身一人的话，我肯定会 问佢拿Q或MSN！
到现场既人越来越多，好多都人都企系江南西路行车道上边，我好几次听到身边既人同朋友打电话，原来其他人已经无办法入到核心区了。
到咗六点十分，系现场已经一个钟了，因为屋企有事要赶番去，而且天色比较沉，好似要落大雨，所以就决定离开。离开时先发现，原来有大批治安 警、交警、武警、保安已经将江南西路东段从江南大道交界处起完全封闭并清空所有人，所有外边来既人必须系马路对面通行，根本无法接近活动区域。而且系活动核心区外再设置防 线，只准核心区内既人走出去，唔准外边既人进入核心区。人群内也有好多“便衣”不断将企上花坛上居高临下既人赶落来。当时防线外积聚咗近千人，呢批人有D 可惜，因为一场来到却难以同大家一齐发出最嘹亮既口号。
为保卫自己既母语、文化唔被官方摧毁而上街集会抗争，绝对系近代中国史上第一次！虽然呢次集会有划时代意义，且参与人数众多，社会影响巨大， 但到咗第二日即26号，不出所料本地所有媒体都对呢次大型集会沉默不语，好似事情并无发生过一样，包括一向以最敢言著称既《南方都市报》，因为呢种大型群 众集会抗争绝对超过政*府既报导底线。而香港所有媒体却都有大篇幅报导。
到今日27号虽然活动已经过咗去两日，心情开始平复，但相信725会永远留系大家心中！出年2011年系一个好特别既年 份，因为系1911年爆发既“辛亥革命”一百周年！回想一百年前，被满清十三皇朝统治咗两百六十几年既中国及中华民族，正处于被外国列强瓜分既最危急关 头，但同时也系中国人被满清奴化得最麻木既时候。系当时既民族存亡生死关头，正系以孙中山为首既一班广东人不惜抛头颅、洒热血，推翻满清并终于将中华民族 拯救于即倒。系广州既“黄花岗七十二烈士墓”系呢段历史既最好见证！一百年过去，想唔到广东人又一次要承担创造历史，打破枷锁，将中华民族带向一个真正平 等、民主、自由、法治社会既重任！不过从725数千广州青年既表现来睇，广东人肯定能够再次担当重任！（当日实际到现场既广州青年本人估算有三、四千人，包括只 能企系外围既人。如果无公安局既刻意打压、恐吓，相信到场既人会更多。如果活动有组织者指挥，声势绝对更为浩大！）
要感谢联合国教科文组织，因为佢哋将保护语言及文化既多样性写成国际公约，一切加入联合国既国家如果有压制不同语言既法律、政策即属违背国际 公约。也要感谢广大香港传媒，正系香港传媒无顾忌既详尽报导及所产生既巨大既舆论压力，令内地各级政府、官员都唔能够作出违背民意既决策并终于低头。
好庆幸自己能够成为当日活动既一份子，并能够系核心区域喊出内心既最强呼声！相信呢段经历也必将成为值得终身自豪既瑰宝！
全文完！本文及图片无任何版权限制，欢迎任何人在任何地点转载！
2010/7/27 敬上
videoplayback1
videoplayback2
YOUTUBE上嘅好多网友自拍，更真实嘅视频：
http://www.youtube.com/results?search_q ... AF%AD&aq=f更多討論係：
http://bbs.cantonese.asia/thread-25451-1-1.html---------------------
http://ifree.xp3.biz/545