Dec 14th, '10, 22:57
粵右激論系列：206 無窮嘅“小宇宙”
現時我哋人類所認知嘅最大空間容體係宇宙，最細空間容體係電子，以我哋人類為基準0級嚟睇，宇宙就係+1級，電子就係-1級，+2級及以上級別，-2級及以上級別，呢啲正負N次元空間，以我哋而家嘅科技，都係我哋人類冇辦法去感受得到嘅。我哋所仰望嘅宇宙，查實不過係+2級空間裡頭嘅一粒電子！而我哋所睇到嘅電子，就係-2級空間嘅宇宙！我哋，祇不過係處喺呢個正負無盡N次元空間無窮層級嵌套結構裡頭嘅其中某一環咋。
所以，某啲哲學或者玄學聲稱，我哋體內蘊含著無窮嘅“小宇宙”，係有啲通嘅。至少，我哋每一個人嘅體內都蘊含著近似無窮嘅細胞，喺每一個細胞裡頭都蘊含著近似無窮嘅有機分子，分子再分原子，原子再分質子中子電子以及其他我哋仲未發現嘅乜子物子。所以，我哋每一個人嘅形體都帶有近似無窮嘅質子中子電子乜子物子，亦即係話：我哋嘅軀體係由近似無窮嘅-2級空間嘅宇宙所組成。