Dec 14th, '10, 23:23
粵右激論系列：233 粵海（南支那海）離島群嘅防務
呢個問題好頭痕，要爭粵海離島，一定就會同越南、臺灣、菲律賓、大馬、汶萊、印尼起拗撬。而呢啲國家，喺我大粵立國嘅初期，係唔可以公開噉交惡嘅，若然唔係，就係南北兩面受敵。
大粵獨立之初，我哋唯一嘅死敵就係支那，要全力對付，否則國將不保！所以喺南邊，喺軍力上高我哋祗能夠保持守勢，尤其係南沙嘅一啲邊遠離島，唯有默許越南、臺灣、菲律賓、大馬對呢啲埞方嘅事實佔領，當然，喺政治宣傳方面，我哋可以向全世界高調宣佈我哋擁有粵海所有離島嘅主權，噉可以為我哋以後喺粵海嘅行動鋪路。
對於東沙，而家喺臺灣嘅控制之下，鑑於粵臺關係因為有共同嘅反支迫切需求而必定會緊密，所以東沙爭端相對會好解決，大粵政府一定要借助粵臺聯盟關係，向臺灣施壓，力促臺灣盡速歸還東沙，以切斷臺灣往後涉足粵海事務嘅通道。
至於臺佔太平島，由於太平島係南沙第一大島，喺南沙各島裡頭地位極其重要，臺灣未必會順灘噉交還，不過大粵政府亦一定要竭力爭取，最低限度係爭取到共同治理權同駐軍權。
對於西沙同南沙嘅永署七礁，一定要盡最大最大嘅全力喺支那手裡頭接管過嚟，最好可以策動守島礁嘅支兵順利起義，令其效忠我粵。當然，呢啲嘢要同支那南海艦隊嘅策反通盤操作嚟做，具體會牽涉好廣，難度唔細。
守得著西沙同南沙嘅永署七礁，尤其係西沙，我粵往後對粵海離島群嘅全數收復至會有可能。可以預見，西沙，係我大粵同越南爭拗最要害、最激烈嘅地方，越南對西沙一直虎視眈眈。祗要我大粵一旦可以喺支那手裡頭順利接管西沙，就必冇向越南讓步嘅可能！
南沙可以暫時向越南讓，但係西沙，就一定要死守著，我粵甚至可以向越南警告，假如佢從海路進犯西沙，噉大粵就從陸路經東興同友誼關直取河內。為咗西沙，我粵可以同越南不惜一戰。噉係因為，西沙對我粵往後喺南沙勢力嘅恢復作用實在太重要喇！而且，西沙向來都係海南嘅屬島，無情白事畀人佔咗，對我粵嘅聲威打擊會好大。