Feb 17th, '15, 09:15
248 呢一刻，意大利妳做緊乜？點解仲唔識喐？捍衛第一人權，毋須避嫌！
利比亞屠夫卡扎菲而家正喺度屠殺緊利比亞人民，作為利比亞嘅前宗主國，意大利竟然出奇噉沉默，佢搞邊科？噉算係點？
反反人類同人道主義，毫無疑問，經已躍升成現世普世價值裡頭頭等而且最最重要嘅位置，因為，佢代表著最最基本嘅人權：人嘅生命權！任何政權、主權、國家權、同其他人權，都唔可以同相佢抵觸！
任何反反人類嘅行動，等同捍衛第一人權！反反人類行動，將企喺全世界道德嘅最頂端，公義性絕不容任何質疑！
眼見前殖民地人民而家畀佢哋現時嘅流氓政府屠殺，作為前宗主國嘅意大利，應該勇敢噉企出嚟，用妳壓倒性力量嘅陸海空三軍部隊，去拯救受難嘅利比亞人民。
捍衛第一人權，毋須避嫌！