Feb 17th, '15, 10:01
260 推廣拉丁粵文最可行嘅方式
拉丁粵文其實可以有好多種拼法，噉係基於有好多種粵語拼音方案嘅緣故。其實噉嘅狀況唔好，因為冇一個統一嘅標準。
由於支那政府嘅刻意低調化同打壓，現時粵語拼音本身尚且未喺粵族人裡頭獲得普遍認知，好多人根本唔知粵語有拼音呢樣嘢，覺得好驚奇；再者粵語拼音方案名目繁多，甚至每本字典詞典都可以獨創自己嘅注音系統。
拉丁粵文顯然係要建基喺粵語拼音方案之上嘅，粵語拼音方案冇出現權威嘅基準，拉丁粵文就會好迷惘，加上聲調嘅標示方式又未形成共識，同音字詞點樣去特別定義又未解決，以上幾種狀況炒埋一碟就會非常混亂，造成同一句嘢分分鐘可能有幾十種寫法。
目前推廣拉丁粵文最可行嘅方式，就係要喺通用性嘅基礎之上盡可能使佢標準化，以突顯佢嘅權威性。具體嘅做法，係以沿用目前最流行嘅粵語拼音方案：亦即香港語言學會粵拼方案嘅注音寫法為基準，採用類似越南文嘅符號式標調而非數字式標調，以詞同詞組而非一個個字為基本單元，嚟畀拉丁粵文構建一個最基礎嘅骨架，諸如同音字同音詞字典特別定義呢啲嘢下一步再作考量。