Feb 17th, '15, 14:46
277 “搵明君”
睇過篇今世代民運撈頭寫嘅嘢，文裡頭將撈頭嘅“統”、“搵明君”嘅一貫思維盡露無遺，佢上半章可以摺埋，論點論據三覆皮，下半章開頭寫得有文有路，不過跟著就話民眾冇腦要靠“睿智”貴族要“搵明君”，最後嘅結論竟然同而家我喺廣州日報上高成日睇到嘅“民選政治冇辦法擺脫社福魔咒”呢啲支共式說辭如同一徹，認真反胃，睇嚟撈去到邊度都係一鳩樣。
喺下半章，佢識提問題，但係冇回應有咩解決之道，噉民選政治嘅社福魔咒係咪真係冇解呢？查實呢啲嘢人哋鬼佬司空見慣，又點會冇得解，就搵英國嚟講，喺30幾年前，民選嘅撒切爾夫人啱啱上臺嗰陣，英國一樣咪遇到高福利但係經濟疲乏嘅狀況，呢位鐵娘子首相一樣咪果斷斬福利，最後仲成功提振經濟，畀佢連任幾屆添。講返近啲，先前歐洲多國係爆發過削減福利嘅示威，不過睇下人哋啲民選議員，有冇因為示威而擱置斬福議案嘅通過？好似除咗葡萄牙有啲阻滯之外，其餘國家都相當迅速噉通過呢啲議案。
“民選政治冇辦法擺脫社福魔咒”純粹係支撈低等思維嘅產物，上邊呢啲事實就係踢爆呢個大話嘅明證。咩民眾冇腦要靠“睿智”貴族要“搵明君”，講嚟講去兜咗咁耐，無非都係想話支那嘅全民奴才模式最好，搵啱個“明君”就可以幾廿年無憂喇。
而家美歐民智大開，民眾嘅思慮普遍成熟穩健，兼且公眾媒體眾多，傳播媒介多樣，通訊快捷，民眾又點可能“冇腦”呢？與其講美歐民眾“冇腦”，不如講美歐民眾點樣去克服自私心好過。係人都有自利嘅“理性”特質，經濟學就係基於呢個最基本嘅假設而誕生嘅，自利係人嘅天性，自利係為咗自己更好噉生存落去，冇咩可以譴責，天下萬物皆然。但係人係群居嘅社會性動物，呢種群居性可以有效噉協調個體之間嘅自利衝突，現代國家係唔同人群嘅集合，佢必然會有一套機制去解決唔同群體之間嘅自利衝突，而家美歐嘅呢套民選機制顯然要畀支那嘅全民奴才機制嚟得更令人舒服，而且風險系數更低，自淨自糾能力更強。