Feb 17th, '15, 15:15
281 粵文拉丁化嘅實質
粵文嘅拉丁化實質上就係粵文嘅拼音化！
拉丁化粵文喺本質上就係寓粵音於粵文，喺妳打粵語拼音嗰陣，妳個腦裡頭就會重複一次呢個粵音嘅粵語拼寫方法，久而久之，呢啲粵音就會喺妳個腦度不斷加深記憶，從而不斷噉鞏固妳嘅粵語口音唔受其它語言嘅侵擾！換轉係方塊字，會有噉嘅功效咩？
拉丁化粵文要記嘅只係嗰幾十個聲母韻母，好過妳去記嗰成千上萬個方塊字喇！
—————————————-
拉丁化粵文嘅實質係咩嘢嚟？一句話，咪係啲粵語拼音嚟囉！
妳嘅母語，決定妳嘅口音，假如妳嘅口音遇到咗一種為佢貼身訂造嘅拼音方案嗰陣，妳一定會好快學識佢，快到可以無師自通！點解？皆因妳嘅母語口音就係妳好快學識佢嘅導師！
我係喺年領之前先至接觸粵語拼音，我記熟啲韻母用咗我成個幾月，聲母就好閒，至於字嘅拼法，一啲都唔使我操心，我嘅母語口音（廣州音）同我解決晒所有嘅問題。總體合計，我由唔識粵拼到學識粵拼，用咗唔使兩個月！點解會有咁快？最根本嘅因由，就係我係粵族人，粵語係我嘅母語囉！
揸筆忘字？拉丁化粵文（或者叫拼音化粵文）根本唔會有呢個問題，除非妳連自己嘅母語點講都唔記得喇！
拉丁化粵文最偉大嘅地方，唔在於佢有幾通俗易學，佢對掃盲有幾大助益，而係佢永遠都唔會使書寫嘅人“揸筆忘字”！拉丁化粵文“音字合一”嘅屬性，使到佢會對粵語粵音本身起到一種抵禦外來感染，培元固本，兼自我免疫同自我保護嘅功效！
舉個例講，妳用方塊字，妳當然可以用粵音嚟讀佢，不過妳好難保證唔知幾時妳或者妳嘅仔仔孫孫，撈化咗！撈化咗之後，妳或者妳嘅仔仔孫孫一樣識得呢隻方塊字，唯一唔同嘅係，呢陣時妳或者妳嘅仔仔孫孫係用撈音嚟讀呢個字，而唔係先前嘅粵音！噉嘅情形即係點？噉咪啫係妳同啲撈經已變成“一家人”囉！呢啲就係撈所謂嘅“書同文”陰辣嘅地方喇！
大凡一種語言，語音係根本，書面文字係枝末，有音先有字。但係假如呢種“字”嘅載體對音並唔係唯一對應嘅，噉就會有好大不確定性，而且，呢種不確定性好顯然係對音一方不利兼唔公平嘅！一個中國嘅方塊字可以有好多種語言嘅發音，佢對我哋粵語粵音嚟講，並唔係一個可靠而忠誠嘅伴侶。就好似一個皇帝有三宮六院七十二嬪妃，粵語粵音充其量係佢嘅其中一個妃子而矣，仲分分鍾有可能畀陰險狡詐嘅皇后玩殘添！
睇返拉丁化粵文，喺呢點上就唔同喇！佢對粵語粵音係唯一嘅，兼一一對應嘅！拉丁化粵文只可以用嚟表達粵語粵音，佢亦都係粵語粵音最準確嘅標示方案，佢對粵語粵音係忠誠嘅，兼專業嘅。唔似得啲中國嘅方塊字噉，咁“多功能”。正所謂每樣皆通就冇樣精，現今呢個世界講求嘅係專業嘅分工，專先可以精！所以可以好肯定噉講：拉丁化粵文先至係粵語粵音最匹配最妥貼嘅伴侶！佢會對粵語粵音嘅傳承不絕起到一種良性循環兼良性互動嘅功效！
—————————————-
支持粵文全面拉丁化（羅馬化）嘅理由好簡單：我哋要全面同支那傳統嘅漢文書寫體系拉開距離！亦祗有噉樣做咗，我哋至可以喺文化層面徹底噉斬斷支根，為我哋文化上嘅完全脫支獨立掃除最關鍵嘅一個障礙。
我對粵文拉丁化嘅觀點係：以香港語言學學會嘅粵拼方案為藍本，對粵文進行全面徹底嘅拉丁化（羅馬化）。
點解要揀香港語言學學會嘅粵拼版本？除咗佢喺坊間流傳廣泛，現實層面使用率高之外，最重要嘅因素仲係呢個版本嘅粵拼韻母好“干淨”，冇任何特殊符號喺上高，噉好重要，因為啲特殊符號可以用嚟專一噉標示聲調！
聲調嘅標示方法係粵文拉丁化嘅難點嚟，不過可以參照我哋嘅粵語語音專家Penkyamp生嘅研究成果：用 ä ã â a á à 嚟替代 1 2 3 4 5 6 調；又或者，參照越南文（越南語同我哋粵語親緣好近，佢都係六聲調嘅），用 ā a ? à á a 嚟替代 1 2 3 4 5 6 調。
—————————————-
粵語拼音嘅帶調號字母（Penkyamp式標調），可以直接複製：
1：第一調 2：第二調 3：第三調 4：第四調 5：第五調 6：第六調
1：Ä ä Ë ë Ï ï Ö ö Ü ü
2：Ã ã Ẽ ẽ Ĩ ĩ Õ õ Ũ ũ
3：Â â Ê ê Î î Ô ô Û û
4：A a E e I i O o U u
5：Á á É é Í í Ó ó Ú ú
6：À à È è Ì ì Ò ò Ù ù
—————————————-
對於粵文嘅拉丁化，我嘅觀點係傾向於借鑒越南文。畢竟越南文有著過百年嘅歷史兼且羅馬字體系成熟，當代臺語文嘅拉丁化都要以越南文為楷模。
越南文係以字為單位撰寫嘅，我都傾向於以字為單位，逐字書寫。
另外，對於字首大寫嘅問題，可以參照越南文嘅解決方案。