政情：李大壯明撐廣東話？
Sep 1st, '10, 22:37
1-9-2010
香港《東方日報》
政情：李大壯明撐廣東話？
港府高官尋日結束四日訪台之旅返港，普通話唔掂嘅「鬍鬚曾」曾俊華貫徹始終，以廣東話總結行程，令人突兀嘅係，以「張學良姪孫」牌頭行走海峽兩岸嘅港台經濟文化合作協進會副主席李大壯，尋日接受記者訪談，竟然只邀約以粵語為母語嘅香港媒體，就算有台灣記者在場，照樣單聲道以廣東話交流。到底協進會去台灣係促進港台交流，定係曲線撐廣東話？
鬍鬚曾以協進會榮譽主席身份首次率團訪問台灣，四日行程完結，但係呢個鬍鬚曾口中嘅「灌溉之旅」，似乎種唔出乜嘢似樣嘅成果，如果夾硬要話有，就係為嶺南文化成功捍衞廣東話。
今月初，廣州掀起波瀾壯闊嘅撐廣東話運動，鬍鬚曾過去四日，喺台灣亦全程致力捍衞廣東話，就算身處無乜人識聽粵語嘅台灣，照樣以一口流利嘅廣東話走江湖，普通話可免則免。可能上有好者下必有甚焉，李大壯尋日離台前同記者見面三十分鐘，又係廣東話嘅世界。
個天又玩鬍鬚曾？
訪談結束前，在場一名台灣記者終打破沉默，用普通話問佢，怕唔怕一旦民進黨再上台，會影響港台交流。李大壯逼住用普通話回答，話不論國民黨定民進黨掌權，台灣人都要食飯，台官員唔會做違背台灣人意願嘅事。嗰時台灣記者始知李大壯嘅普通話字正腔圓，反映佢避用普通話，情況同鬍鬚曾嘅唔同，係不為，非不能也，但係唔明李大壯點解唔借呢個機會同台灣媒體打好交道？
鬍鬚曾尋日用廣東話總結四日行程，台灣記者應該唔多聽得明，但香港人就好清楚聽到，佢見過嘅台灣官員中，唔見原定會面嘅台灣行政院院長吳敦義。行政院官員話，鬍鬚曾原定尋日朝早九點拜會吳敦義，但係撞啱「南川」、「獅子山」同「圓規」三個颱風夾擊台灣，吳敦義臨時要隨同總統馬英九到颱風應變中心視察，所以取消會晤。
鬍鬚曾出門因天有不測風雲而行程受阻，唔係第一次，今年初佢本來約好金管局總裁陳德霖同財經事務及庫務局局長陳家強上北京，與中央政府財金官員會面，點知撞正北京刮大風雪而取消，今次台灣又遇上罕有嘅三颱風夾攻而錯失與行程中台灣最高官階嘅吳敦義見面，唔通真係連個天都唔鍾意佢？
http://orientaldaily.on.cc/cnt/news/20100901/00176_081.html
香港《東方日報》
政情：李大壯明撐廣東話？
港府高官尋日結束四日訪台之旅返港，普通話唔掂嘅「鬍鬚曾」曾俊華貫徹始終，以廣東話總結行程，令人突兀嘅係，以「張學良姪孫」牌頭行走海峽兩岸嘅港台經濟文化合作協進會副主席李大壯，尋日接受記者訪談，竟然只邀約以粵語為母語嘅香港媒體，就算有台灣記者在場，照樣單聲道以廣東話交流。到底協進會去台灣係促進港台交流，定係曲線撐廣東話？
鬍鬚曾以協進會榮譽主席身份首次率團訪問台灣，四日行程完結，但係呢個鬍鬚曾口中嘅「灌溉之旅」，似乎種唔出乜嘢似樣嘅成果，如果夾硬要話有，就係為嶺南文化成功捍衞廣東話。
今月初，廣州掀起波瀾壯闊嘅撐廣東話運動，鬍鬚曾過去四日，喺台灣亦全程致力捍衞廣東話，就算身處無乜人識聽粵語嘅台灣，照樣以一口流利嘅廣東話走江湖，普通話可免則免。可能上有好者下必有甚焉，李大壯尋日離台前同記者見面三十分鐘，又係廣東話嘅世界。
個天又玩鬍鬚曾？
訪談結束前，在場一名台灣記者終打破沉默，用普通話問佢，怕唔怕一旦民進黨再上台，會影響港台交流。李大壯逼住用普通話回答，話不論國民黨定民進黨掌權，台灣人都要食飯，台官員唔會做違背台灣人意願嘅事。嗰時台灣記者始知李大壯嘅普通話字正腔圓，反映佢避用普通話，情況同鬍鬚曾嘅唔同，係不為，非不能也，但係唔明李大壯點解唔借呢個機會同台灣媒體打好交道？
鬍鬚曾尋日用廣東話總結四日行程，台灣記者應該唔多聽得明，但香港人就好清楚聽到，佢見過嘅台灣官員中，唔見原定會面嘅台灣行政院院長吳敦義。行政院官員話，鬍鬚曾原定尋日朝早九點拜會吳敦義，但係撞啱「南川」、「獅子山」同「圓規」三個颱風夾擊台灣，吳敦義臨時要隨同總統馬英九到颱風應變中心視察，所以取消會晤。
鬍鬚曾出門因天有不測風雲而行程受阻，唔係第一次，今年初佢本來約好金管局總裁陳德霖同財經事務及庫務局局長陳家強上北京，與中央政府財金官員會面，點知撞正北京刮大風雪而取消，今次台灣又遇上罕有嘅三颱風夾攻而錯失與行程中台灣最高官階嘅吳敦義見面，唔通真係連個天都唔鍾意佢？
http://orientaldaily.on.cc/cnt/news/20100901/00176_081.html
Re: 政情：李大壯明撐廣東話？
Sep 2nd, '10, 12:33
呢個說明，雖然香港人血統來自全大中華甚至系全世界，但係 粵語系 香港城邦嘅一種 “外交用語言”，對於有奉系軍閥背景，而家立足香港民主政黨政治嘅 港邦資產階級嘅代表，有重要嘅利益價值。 呢個同台灣藍營，與綠營同步本土化，不斷發掘 “台灣民族” 嘅族群語言閩南話，作為團結本土幾個唔同族群來在 族群已融合嘅台灣民族中拉票系 異曲同工嘅。 雖然 台灣藍綠都未做到好似“港系軍閥（財閥）” 咁以 本城邦嘅 粵語作為 “外交語言” 呢個程度。