隔牆有耳：龍應台新書熱爆
Sep 21st, '09, 00:09
19-9-2009
香港《蘋果日報》
隔牆有耳：龍應台新書熱爆
龍應台新書《大江大海一九四九》反應空前熱烈，推出兩星期，據講喺台灣銷量十幾萬本，香港亦賣出近兩萬本。噚晚佢喺香港大學陸佑堂舉行全球首發演講會，預留座位不足兩日即爆棚，噚晚更加逼到瀉，近千人塞喺陸佑堂內，場面十分墟冚。
值得再寫香港1949年
讀者慕名而至，好多名人都有捧場，噚日係 9.18，龍應台話演講會時間、地點都好有意義，又話香港在 1949年都有好多事情發生，遺憾新書篇幅有限，提及香港篇幅唔多，有機會嘅話，值得另外寫一本香港 1949年嘅書。
近日多談成書意念，龍應台噚日透露一啲寫書過程，訪問工業家蔣震時，蔣老透露曾到塞班島受訓，係美國資助嘅「自由中國運動」成員，但要求佢出書時唔好寫真名，完稿後龍應台認為應留下歷史真相，去信游說蔣震讓佢披露歷史，最終獲蔣震首肯，方有咁震撼內容。
國共內戰時共軍「長春圍城」五個月，大量平民餓死，中共對此鮮有提及，龍應台訪問咗倖存嘅老人，曾擔心寫出歷史會令老人惹麻煩，老人卻認為只要說實話就冇問題，「都 60年了，也是時候該說了吧。」
《大江大海一九四九》迴響大，龍應台笑言現時全球讀者都為新書做校對、核證，書中說馬英九母親在荔園工作時月薪 300元，錢穆月薪 200元，程介明父親做保險一日佣金僅七分錢，有人質疑是否正確，龍應台再三查證，甚至半夜致電程介明詢問，發現馬英九母親嘅工資應該係 30元，程父佣金係每份保單計算，佢話再版時會修正。
採訪成書，龍應台自言有時靠努力，有時憑運氣，好似想向馬英九母親借用馬英九兒時照片，馬母話冇，馬家其他人都話冇留低舊照。
演講會後，書迷排晒長龍等攞龍應台簽名。
獲馬英九舊照靠運氣
點知有次馬英九搵龍應台，佢隨口問有冇舊照片，馬英九話母親家中牆上有一幅舊照，原來連馬母都唔記得咗呢幅咁珍貴嘅相片！
呢本原原本本說歷史嘅書，相信難在大陸出版，內地河蟹大舉出動，全面封殺網上討論，龍應台話十•一前中共要「辦喜事」，當然唔歡迎佢嘅書啦。
http://hk.apple.nextmedia.com/template/apple/art_main.php?iss_id=20090919&sec_id=4104&subsec_id=15333&art_id=13225738&cat_id=45&coln_id=20
香港《蘋果日報》
隔牆有耳：龍應台新書熱爆
龍應台新書《大江大海一九四九》反應空前熱烈，推出兩星期，據講喺台灣銷量十幾萬本，香港亦賣出近兩萬本。噚晚佢喺香港大學陸佑堂舉行全球首發演講會，預留座位不足兩日即爆棚，噚晚更加逼到瀉，近千人塞喺陸佑堂內，場面十分墟冚。
值得再寫香港1949年
讀者慕名而至，好多名人都有捧場，噚日係 9.18，龍應台話演講會時間、地點都好有意義，又話香港在 1949年都有好多事情發生，遺憾新書篇幅有限，提及香港篇幅唔多，有機會嘅話，值得另外寫一本香港 1949年嘅書。
近日多談成書意念，龍應台噚日透露一啲寫書過程，訪問工業家蔣震時，蔣老透露曾到塞班島受訓，係美國資助嘅「自由中國運動」成員，但要求佢出書時唔好寫真名，完稿後龍應台認為應留下歷史真相，去信游說蔣震讓佢披露歷史，最終獲蔣震首肯，方有咁震撼內容。
國共內戰時共軍「長春圍城」五個月，大量平民餓死，中共對此鮮有提及，龍應台訪問咗倖存嘅老人，曾擔心寫出歷史會令老人惹麻煩，老人卻認為只要說實話就冇問題，「都 60年了，也是時候該說了吧。」
《大江大海一九四九》迴響大，龍應台笑言現時全球讀者都為新書做校對、核證，書中說馬英九母親在荔園工作時月薪 300元，錢穆月薪 200元，程介明父親做保險一日佣金僅七分錢，有人質疑是否正確，龍應台再三查證，甚至半夜致電程介明詢問，發現馬英九母親嘅工資應該係 30元，程父佣金係每份保單計算，佢話再版時會修正。
採訪成書，龍應台自言有時靠努力，有時憑運氣，好似想向馬英九母親借用馬英九兒時照片，馬母話冇，馬家其他人都話冇留低舊照。
演講會後，書迷排晒長龍等攞龍應台簽名。
獲馬英九舊照靠運氣
點知有次馬英九搵龍應台，佢隨口問有冇舊照片，馬英九話母親家中牆上有一幅舊照，原來連馬母都唔記得咗呢幅咁珍貴嘅相片！
呢本原原本本說歷史嘅書，相信難在大陸出版，內地河蟹大舉出動，全面封殺網上討論，龍應台話十•一前中共要「辦喜事」，當然唔歡迎佢嘅書啦。
http://hk.apple.nextmedia.com/template/apple/art_main.php?iss_id=20090919&sec_id=4104&subsec_id=15333&art_id=13225738&cat_id=45&coln_id=20