法輪功已經現晒形 粵獨依家更要提防未現形嘅撈民運

法輪功已經現晒形 粵獨依家更要提防未現形嘅撈民運


從宗教上高睇，每樣宗教都歌頌神蹟，法輪功抬舉李乜志唔令人意外，法輪功嘅宗教理論粵獨毋須理會，我哋祗需要知道法輪功嘅政治取態係支那傳統保守派就得。

法輪功唔係好嘢係人都知，但係啲撈民運更要提防。而家但凡六四，唔少香港人都七情上面，呢頭反完蝗蟲，嗰頭就同啲撈民運攬頭攬頸，噉本身就好扭曲，極唔正常，呢啲友全部都係斯德哥爾摩症候群嘅重症患者，用一句D記嘅話嚟形容，呢啲係精神分裂。

香港人要清楚知道佢同北邊嘅支那人唔同，香港人同支那人係兩個唔同嘅族群，支那人嘅母語漢語同香港人嘅母語粵語完全唔同，香港人並唔係支那人當中嘅一員。每一年都有六四，又唔見其他民主國家嘅人諸如日本人韓國人泰國人美國人澳洲人甚至星加坡人咁七情上面？因為，佢哋好清楚，呢啲係外人嘅事，外國嘅事，唔關我哋自己事，所以，毋須太過上心。

唔同撈民運徹底分割，港獨咪使旨意可以更進一步，比港獨處境更危嘅粵獨就更之然，粵獨若然冇粵本土民族主義護持，就齋舉自由民主塊牌，唔使幾耐，粵獨就會迷失方向，畀撈民運熔滅同收編，粵人將再陷畀支那漢撈殖民嘅境地。況且，支那即使有民選，粵人亦冇可能會有出頭之日，因為，粵人同撈頭嘅人口比例係1比10，喺支那嘅架構之內，粵人永遠係邊緣少數，支那民選絕唔會誕生出粵獨。

我哋真係應該多得普京生嘅生動表演，若然唔係佢，我哋都仲以為和平演變係自由憲政對獨裁專權嘅專利，不過普京生同一向習慣專權統治嘅俄國人用現實行動話畀我哋知，和平演變並唔係自由憲政嘅專利，獨裁專權一樣可以和平演變自由憲政，而且仲要合憲合法噉演變。

支那人同俄國人查實都係一類人，支那人身度嘅“東方文化”基因比起俄國人有過之而無不及，咪旨意啲撈民運可以改變到呢樣嘢，即使支那有機會民主化，亦極可能民主唔得好耐，最終都會變成而家俄國噉款。

支俄依家事實上已經構成獨裁專權軸心，獨裁專權政體睇樣恢復咗唔少活力，呢樣嘢美歐系初時並冇察覺，依家補鑊似乎有多少遲。喺俄國勢弱嗰陣，美歐系就全力進行北約東擴，完全放生支那，結果依家支那勢勁，就嗱嗱菻諗計填氹。不過無論係北約東擴抑或係亞太圍堵，美歐系實際上都係做緊防禦，佢哋完全冇派兵攻打支俄本土嘅打算，而支俄依家亦甚少考慮本土守備嘅問題，而係一心想兵力外延，“恢復過往榮耀”，喺未來一段時間，獨裁專權軸心將轉守為攻。

面對即將到嚟嘅噉嘅變局，粵獨真係要諗清楚點行法，指望美國出兵支那本土直接同支軍交戰根本冇可能，等美軍佔領大粵然後再順勢粵獨嘅諗法建議去食多啲大頭蔥菜再諗，喺粵地扶植反抗軍相信係美國嘅第一選項。

喺粵獨初期，政體揀擇好緊要，完全嘅自由憲政必定唔係佳選，因為呢種政體本身就係離散嘅，難以喺短時間之內形成聚合力，冇充足效能應付嚟自專權支那高強度嘅軍事進攻。

韓國係半島，臺灣日本係島國，本土又都同支那完全隔開，兼且又有沖繩關島美軍就近駐守防備，所以佢哋有本錢玩“細心聆聽各方聲音謀求達成共識”嘅政治遊戲，但係大粵唔同，大粵同支那有幾千公里嘅陸上邊界，支軍就喺側近，大粵冇時間亦玩唔起呢種遊戲，喺大粵獨立戰爭時期，粵獨絕對需要一個強力政府嚟應對支那。

早在好多年前,法輪功整個乜鬼新唐人,已經睇穿法輪功嘅撈本質嘅立場.
唐人,唐音本來系粵人自稱及粵語嘅稱謂。姑勿論將“粵”字改成“唐”字嘅作法啱唔啱，但到過唐人街嘅人都知道乜叫唐人，乜叫唐話。
你細撈佬畀大撈佬趕出咗家門，唔單冇半點改變，人哋大撈佬喺支那內將粵人改編成“漢”人，將粵語改編成“漢語”嘅一小支方言，以達到統戰消滅粵族嘅目的；
你細撈佬能力冇嘅大，畀趕出家門后，走路到粵人嘅粵城，繼續著大撈佬嘅行為，繼續做模糊粵族收編粵族嘅一行。所以撈輪功，唔系好嘢，自“新唐人”呢個名詞一出我就睇穿咗佢哋嘞！
衰就衰喺粵人努力真系太強，點解同系喺米國嘅移民城，啲撈都走去粵城而唔去越南城，論語言，粵越都都同撈語跟本冇能通話，論風俗，粵撈又差八萬里，有幾個粵人飲椒湯？又有同個撈族人吃廣東白粥？
我惗，至大嘅問題系“漢字”呢個發瘟嘢搞鬼，若粵人都似越南人咁寫拉丁粵文，即使自稱“漢人”，我惗啲撈佬都唔會專走粵城。
所以，我支持粵生嘅徹底去漢字化呢一觀點，呢一點唔做到，遲早又會有第二打“新唐人”咁嘅統戰行動出現，反正，撈人就一定要滅粵族。只有將漢字呢個同撈族人嘅綁帶剪斷咗，粵族先會有安全。

講起種族歧視，而家喺歐美係強勁回潮，但係妳唔可以講啲白人開始納粹化，因為，係啲非白人大量擁有歐美尤其係歐洲在先，歐洲伊斯蘭化嘅恐懼造就歐洲種族主義嘅翻生。同樣，大粵支撈化嘅恐懼強勁催谷著大粵民族主義，呢點已經經過古巷，新塘同沙溪呢三單嘢驗證確實。

唔好混淆民族主義同種族主義，民族主義有好多種，同樣種族主義亦有好多個層次，將種族歧視當成種族清洗噉係神經過敏。

人類有樣嘢叫腎上腺素，班撈喺新塘同沙溪大搞破壞嗰陣，有民族主義同自由主義擺喺面前，妳話粵人會點揀？

古巷，新塘同沙溪呢三單嘢，激發粵人奮起自衛嘅，係民族主義，而唔係想當然嘅自由民主。粵獨最理想最實際嘅做法，就係熔合呢兩樣嘢，行自由主義嘅民族主義呢條路。

强制去汉化可能会导致流血事件，而家都有好多后生粤语人拥护汉字，甚至叫嚣要恢复繁体字，当自己系正宗汉人，将汉服当成系宝，仲成日话要振兴支那，尤其系广州既愤青，呢个问题应该点解决？

支那威脅幾時都係清除去支那化阻力嘅殺手鍊


咪搵廣州講事講非，我就係本土廣州人，土生廣州人係點諗唔通我會唔清楚，廣州“憤青”？後生嘅土生廣州人冇幾多個對撈屄嘢感興趣，佢哋更關注嘅係本土文化。咪將喺廣州嘅撈頭同呃到廣州戶口嘅撈頭以及喺廣州出世嘅撈二代撈三代同真正嘅粵本土土生廣州人混淆，喺廣州現身嘅撈頭憤青並唔可以代表廣州，就有如撈頭司機喺廣東車死撈頭細路並唔可以代表廣東人有幾敗壞。經過撐粵語、古巷、新塘同沙溪呢幾單嘢，粵人都醒水咗唔少，當啲所謂嘅“同胞”喺大粵搞屎棍嗰陣，係人都會覺醒到佢哋同我哋係唔同路嘅。

喺大粵嚴力去支那化必定要做，即使再大代價亦都要做，因為噉事關大粵可唔可以做到真正嘅文化獨立，冇真正嘅文化獨立，大粵就唔可能真正長久續存（長久續存係指至少存國1000年以上），喺人都唔想大粵政治獨立冇幾年又因為文化嘅原因而畀支那吞滅。文化獨立係政治獨立嘅泉源，有文化獨立，即使一度亡國亦有機會復國，冇文化獨立，亡國之後就徹底玩完，永遠都唔會再有東山再起嘅機會。當年支那明朝喺15世紀曾經一度吞滅越南，就係因為越南人意識到自己同支那人嘅唔同，所以群起反抗，結果唔使幾耐就畀佢哋順利復國。蒙古曾經幾度畀支那吞並，但係因為蒙古人始終頑強噉保持著佢哋明顯唔同於支那系嘅原生文化，所以今日獨立嘅蒙古民族國家至得以奠定。圖博東土，雖然而家畀支那殖民，但係佢哋始終保有佢哋獨特嘅文化同語言，佢哋亦終必有機會重新復國。反觀滿洲人，同支撈深度“融合”，滿文化盡失，滿洲復國根本冇任何文化支撐，而家所謂嘅“滿獨”，不過係啲東北撈喺度借屍還魂借殼上市，滿洲已經冇任何機會再變返成以前嘅滿洲，因為，滿洲人就有如契丹人女真人一樣，經已係一個死亡嘅民族。

當支那畀大粵高強壓力嗰陣，喺大粵嚴力去支那化嘅阻力就必定會劇減，支那威脅，幾時都係清除去支那化阻力嘅殺手鍊。去支那化最最關鍵嘅一步，就係粵文拉丁化，當支那對大粵進行軍事威嚇甚至核訛詐嗰陣，果斷提出使用漢字會洩露軍事機密同國家機密，應該全面喺軍政系統強制使用拉丁粵文，試問又有邊個喺呢一情勢下會反對呢一構想？因為支那威脅，所以去支那化=拉丁粵文=粵國安全，有軍政系統開咗個頭，對反去支那化同使用漢字就會構成輿論壓力，喺噉嘅氛圍下低，民間自必然會對去支那化採取跟進態度，因為冇人想對自己嘅國家不利，亦冇人想畀人認為對自己嘅國家不利。民意好多時會彰顯羊群效應屬性，粵獨推去支那化，祇要使啱力水把握好時期借力打力，噉我哋去支那化嘅阻力自然大減。各位咪唔記得，自由主義嘅大本營美國，喺911之後突擊頒佈咗多項法令，嚴厲收緊國民嘅人身自由，當其時美國人多數選擇順從，試問假如冇911而美國政府又整啲噉嘢出嚟，佢哋唔反至奇。